Ибрахими се обрати на 58-та сесија на Комитетот за економски, социјални и културни права на ООН

На ден 13.6.2016 заменик министерот за труд и социјална политика, Ибрахим Ибрахими, се обрати на 58-та сесија на Комитетот за економски, социјални и културни права на Обединетите Нации  која се одржа во Женева, како шеф на државната делегација во која имаше претставници од повеќе ресорни министерства.

Ибрахими ги информираше присутните за напредокот на законските, институционалните и практичните мерки преземени во насока на имплементација на Пактот за економски, социјални и културни права. Во своето обраќање тој напомена дека Република Македонија активно работи на усогласување на националното законодавство со меѓународните инструменти за човекови права и остварува соработка со договорните тела од различни конвенции на ООН и дека државата останува посветена на натамошно унапредување на состојбите со човековите права и слободи, вклучително и остварувањето на економските, социјаните и културни права. 

На 58-та сесија на Комитетот за економски, социјални и културни права на Обединетите Нации покрај Република Македонија извештаи презентираа и други земји.