Kompetencat e Ministrisë së Politikës Sociale, Demografisë dhe të Rinjve 

Në bazë të nenit 28 pika 4 të Ligjit për ndryshimin dhe plotësimin e Ligjit për organizimin dhe punën e organeve të administratës shtetërore (“Gazeta Zyrtare e RMV”, nr. 121/24), Ministria e Punës dhe Politikës Sociale vazhdon punën si Ministri e Politikës Sociale, e Demografisë dhe e të Rinjve.

Ministri i Politikës Sociale, i Demografisë dhe i të Rinjve vazhdon të kryejë punë që kanë të bëjnë me punën (marrëdhëniet e punës, punësimi, mbrojtja e punëtorëve gjatë punës, sigurimi material i të papunëve të përkohshëm, pagat dhe standardi i jetesës) deri në kalimin e punonjësve në Ministrinë e Ekonomisë dhe Punës.

Ministria e Politikës Sociale, e Demografisë dhe e të Rinjve kryen detyrat që kanë të bëjnë me:

• sigurimin pensional-invalidor;

• politikën sociale;

• politikat humane të popullsisë për shkak të zhvillimit harmonik ekonomik dhe social;

• marrëdhëniet juridike në martesë, familje dhe bashkëjetesë;

• marrëdhëniet ndërmjet prindërve dhe fëmijëve, kujdestarinë dhe birësimin;

• avancimin e barazisë gjinore;

• mbrojtjen e fëmijëve dhe të miturve;

• mbrojtjen e të rinjve dhe grave;

• mbrojtjen e personave me aftësi të kufizuara në zhvillim;

• mbrojtjen e invalidëve civilë nga lufta dhe të familjes, mbajtësi i familjes së të cilëve është në shërbimin e detyrueshëm ushtarak;

• mbrojtjen e luftëtarëve nga lufta antifashiste dhe nga të gjitha luftërat nacionalçlirimtare të Maqedonisë, të invalidëve ushtarakë, të të përndjekurve dhe të burgosurve për idetë e identitetit të popullit maqedonas dhe shtetësisë së tij, si dhe të anëtarëve të familjeve të tyre që nuk kanë mundësi për ekzistencë materiale dhe sociale;

• planifikimin familjar;

• familjen dhe fëmijët;

• përgatitjen dhe zhvillimin e politikës demografike dhe të politikës lidhur me migrimet;

• përgatitjen dhe zhvillimin e politikës rinore;

• kujdesin për zhvillimin psikofizik të të rinjve dhe mbrojtjen e tyre;

• inkurajimin dhe ndihmën e formave të organizimit të të rinjve;

• ndërmarrjen e aktiviteteve për krijimin e kushteve për mbajtjen e të rinjve të aftë dhe të talentuar në Republikë, si dhe krijimin e kushteve për stimulimin e kthimit të tyre;

• inkurajimin e punësimit të të rinjve;

• mbikëqyrjen nën juridiksionin e tij dhe

• kryen detyra të tjera të përcaktuara me ligj.

Misioni

Krijimi dhe zbatimi i politikave efektive dhe të qëndrueshme për sigurimin social për çdo qytetar, për rritjen dhe zhvillimin demografik, për mbrojtjen e fëmijëve dhe familjes dhe për mbështetjen e të rinjve, për sigurimin pensional dhe invalidor, për mundësi të barabarta dhe për mbrojtjen dhe parandalimin e diskriminimit, në përputhje me standardet dhe parimet evropiane dhe ndërkombëtare.

Vizioni

Sistem proaktiv dhe gjithëpërfshirës për sigurim social dhe një politikë demografike efektive, duke ofruar dhe përmirësuar mbështetjen institucionale për fëmijët dhe familjen, të rinjtë e përfshirë dhe aktivë në proceset sociale, një sistem të qëndrueshëm pensionesh dhe një pension të sigurt për çdo person, një gamë të gjerë mundësish të barabarta për qytetarët dhe një shoqëri pa diskriminim, nëpërmjet zbatimit të standardeve dhe parimeve evropiane dhe ndërkombëtare në kuadrin legjislativ dhe institucional kombëtar.