04.07.2024

Takim i ministrit Limani me ambasadorin kosovar 

Ministri i Politikës Sociale, Demografisë dhe Rinisë, Fatmir Limani, ka zhvilluar takim me ambasadorin e Republikës së Kosovës në Republikën e Maqedonisë së Veriut, Sh.T. Florian Qehaja.

Në takim u pajtuan që të iniciohet bashkëpunimi dhe realizimi i projekteve mes dy vendeve në fushën e politikave sociale, mbrojtjes së fëmijëve, barazisë gjinore, demografisë dhe rinisë.

Krahas diskutimit për procesin e integrimeve evropiane të dy vendeve, Limani dhe Qehaja u morën vesh që bashkërisht të shqyrtojnë mundësinë e realizimit të projekteve për të rinjtë, që do të mundësojnë kohezionin social ndërmjet të rinjve të Republikës së Maqedonisë së Veriut dhe Republikës së Kosovës.