12.07.2024
Takim Limani-Val
Ministri i Politikës Sociale, Demografisë dhe Rinisë, Fatmir Limani, ka takuar shefin e misionit të OSBE-së në Shkup, Kilian Val.
Të dy bashkëbiseduesit diskutuan mbi rëndësinë e bashkëpunimit ndërmjet Ministrisë së Politikës Sociale, Demografisë dhe Rinisë dhe Misionit të OSBE-së në Shkup, ku theks i veçantë u vendos mbi barazinë gjinore, josdiskriminimin, rininë dhe zbatimin e Strategjisë për përfshirjen e romëve në të gjitha sferat shoqërore.
Intensifikimi i aktiviteteve që ndërlidhen me miratimin dhe zbatimin e Ligjit për Barazi Gjinore ishte një nga pikat për të cilat u arrit marrëveshje e ndërsjellë.
Ministri Limani e njoftoi ambasadorin Val për qëllimet e Qeverisë, ku respektimi i vlerave familjare do të zë një kapitull të veçantë.
Gjithashtu, në këtë takim u diskutua edhe për përfshirjen e rinisë në të gjitha politikat dhe vendimet institucionale për parandalimin e migrimit të të rinjve.