15.09.2023
Trençevska: I mbështes fuqishëm aktivitetet që kontribuojnë në zhvillimin e duhur të fëmijëve
Ministrja e Punës dhe Politikës Sociale, Jovanka Trençevska, në kopshtin publik “Vinozhito” në Strumicë, së bashku me kryetarin e shoqatës Rast, Aleksandar Petrovski, shënuan riaktivizimin e fushatës për ngritjen e vetëdijes për rritjen e fëmijëve si iniciativë e Shoqatës së prindërve të fëmijëve me sëmundje endokrinologjike "RAST" dhe Ministria e Punës dhe Politikave Sociale.
![](content/images/2023/septemvri/15_9/2.jpeg)
“Shpreh mbështetjen time të fortë për aktivitetet e “RAST” që nisin sot pak para Ditës Botërore të Ndërgjegjësimit për Rritjen e Fëmijëve – 20 Shtator. Le të punojmë për zbulimin e hershëm të kushteve me të cilat përballen fëmijët, në mënyrë që t'i trajtojmë ato në kohë dhe në mënyrën e duhur.
Ne vazhdojmë të mbështesim aktivitetet që janë me rëndësi kyçe për më të rinjtë, tha Trençevska.
![](content/images/2023/septemvri/15_9/4.jpeg)
Kryetari i shoqatës Aleksandër shpjegoi rolin e shoqatës dhe misionin e tyre.
![](content/images/2023/septemvri/15_9/7.jpeg)
Shoqata “Rast” është organizatë joqeveritare e prindërve që përfaqëson të drejtat e fëmijëve me sëmundje endokrinologjike në Republikën e Maqedonisë së Veriut. Shoqata është formuar më 19 janar 2007 nga një grup i vogël prindërish, qëllimi kryesor i të cilëve në atë kohë ishte zgjidhja e problemeve të shumta me të cilat ballafaqoheshin, kryesisht lidhur me qasjen në barna”, shpjegoi Petrovski.
![](content/images/2023/septemvri/15_9/6.jpeg)
Aktivitete të tilla janë planifikuar të realizohen në një numër të madh të kopshteve së bashku me Doc.Dr. Aleksandra Jançevska, endokrinologe nga Klinika për sëmundje të fëmijëve, Shkup.
![](content/images/2023/septemvri/15_9/1.jpeg)