Средба на министерката Шахпаска со претставници од Националната конвенција за Европската унија во Република Северна Македонија
Министерката за труд и социјална политика, Јагода Шахпаска денеска се сретна со дел од претставниците на Националната конвенција за Европската унија во Република Северна Македонија, која како платформа за развивање дијалог и отворање на прашања поврзани со Пристапните преговори отвора можност за учествуво на поширок круг граѓани, стручни во определена област кои учествуваат во реформите потребни за имплементација на европската легислатива.
![](content/слика 6 средба.jpg)
На средбата главен осврт беше направен на сесиите и препораките од поглавјето 19- Социјална политика и вработување, активните мерки за вработување, флексибилните форми на вработување и социјалниот дијалог.
Од страна на министерката Шахпаска беше посочено одличниот успех на реализација на активните мерки за вработување, гаранцијата за млади и самовработувањето како процеси кои течат. Таа истакна дека олеснетиот пристап на Гарантираната минимална помош не значи само брз влез на лицата во ситемот на социјална заштита, туку и нивно вклучување на пазарот на трудот токму преку активните мерки за вработување се постигнува нивно активно вклучување во општествениот живот.
На средбата се разговараше и за процесот на деинституционализацијата и социјалните услуги како особено значајни и за нас како држава и во поглед на усогласување со европските вредности.
![](content/слика 2 средба.jpg)
Процесот на децентрализирани услуги од една страна значи помош и поддршка на лицата кои имаат потреба од нив во нивниот дом и нивното место на живеење, што воедно овозможува поголема достапност до граѓаните, но и нови вработувања на лица, даватели на услуги.
И како особено значаен успех и дел од поглавјето 19 е Законот за спречување и заштита од дискриминација со карактер на lex generalis. Закон кој е усогласен со европската регулатива и во него се дефинирани сите облици на дискриминација.
На крајот од дискусијата министерката Шапаска нагласи дека за нас како држава е многу значајно на патот кон ЕУ, да ги изградиме темелните вредности на кои се базира Европската Унија. Свесни дека овој процес е долг и сложен, но истовремено овозможува како идна членка да ги завршиме сите неопходни внатрешни реформи пред реалното пристапување во ЕУ.