19.12.2024

Limani dhe Velkovski i vizituan fëmijët nga SOS Fshati i Fëmijëve

Ministri dhe zëvendësministri i Politikës Sociale, Demografisë  dhe Rinisë, Fatmir Limani dhe Gjoko Velkovski, sot i kanë vizituar fëmijët nga SOS Fshati i Fëmijëve.

Periudha a para fundvitit dhe festave që pasojnë është një periudhë ngrohtësie, buzëqeshjesh, përqafimesh dhe dhuratash. Në këtë atmosferë ishte edhe vizita e sotme e fëmijëve nga SOS Fshati i Fëmijëve.

SOS Fshati i Fëmijëve është ofrues i licencuar dhe i autorizuar i shërbimeve, me të cilën organizatë Ministria ka lidhur kontratë administrative për ofrimin e ndihmës profesionale dhe mbështetjes për familjet përkujdesëse përmes Qendrës për Mbështetjen e Familjeve Përkujdesëse. Përveç kësaj, SOS Fshati i Fëmijëve është gjithashtu ofrues i licencuar dhe i autorizuar i shërbimit të jetesës me mbështetje për të rinjtë pa prindër dhe kujdes prindëror, të vendosur në 4 shtëpi të vogla grupore në lagje të ndryshme në Shkup, me mbështetje financiare nga Ministria.

Qendra për Mbështetjen e Familjeve Përkujdesëse të SOS Fshatit të Fëmijëve, së bashku me Qendrën për Mbështetjen e Familjeve Përkujdesëse në Shtëpinë e Fëmijëve “11 Tetori” në Shkup dhe Shtëpinë e Foshnjave dhe Fëmijëve të Vegjël në Manastir, ofrojnë mbështetje për familjet përkujdesëse në të gjithë territorin e vendin tonë. Kohë më parë Qendra SOS për Fshatin e Fëmijëve hapi një departament në Strumicë, me qëllim të afrimit dhe mbështetjes së qytetarëve - kandidatë për përkujdesje dhe përkujdesës nga qytetet dhe vendet përreth.

Aktualisht, në vendin tonë kemi gjithsej 369 familje përkujdesëse, në të cilat familje ndodhen rreth 600 persona.