Затворен проектот “Oд норма до пракса”

Државниот секретар во Министерството за труд и социјална политика Муедин Кахвеџи, денес се обрати на завршната конференција за презентација на активностите спроведени и резултатите од проектот “Од норма до пракса“ во партнерство со Министерството за труд и социјална политика на Република Македонија, Македонскиот центар за меѓународна соработка и Комисијата за заштита од дискриминација, со поддршка од Европската Унија преку ПРОГРЕС Програмата (2007-2013).

Комплетно реновиран Центарот за социјална работа во Ресен 

Министерот за труд и социјална политика Диме Спасов го посети комплетно реновираниот Центар за социјална работа во Ресен. Имено, реновирањето и адаптацијата на просториите во ЦСР Ресен е проект којшто го реализираат Министерството за труд и социјална политика и Светска Банка и има за цел подобрување на просторните и техничко- технолошки условите за работа на вработените од државната управа, во својство на квалитетен сервис на граѓаните. 

Потпишaн Двегодишен работен план за Ран детски развој 2014-2015 година 

Mинистерот за труд и социјална политика, Диме Спасов и претставникот на УНИЦЕФ за Македонија, Бертран Демулен потпишаa Двегодишен работен план за Ран детски развој 2014-2015 година.

12.2.2014

Објавени повиците за Субвенционирање на вработување на млади лица до 29 години-прва шанса, Обука кај познат работодавач со субвенционирано вработување и Обука за побаруваните занимања на пазарот на трудот од сообраќајна струка

Министерот за труд и социјална политика, Диме Спасов и директорот на Агенцијата за вработување на Република Македонија, Влатко Поповски информираа за три мерки од Оперативниот план за активни програми и мерки за вработување и тоа за програмата за Субвенционирање на вработување на млади лица до 29 години-прва шанса, Обука кај познат работодавач со субвенционирано вработување и Обука за побаруваните занимања на пазарот на трудот од сообраќајна струка.

Предшколско згрижување и за децата во општина Градско 

Министерот за труд и социјална политика, Диме Спасов, заедно со градоначалникот на општина Градско, Жанета Франгова, претставници на локалната самоуправа од Велес и директорот на градинката ОЈУДГ “Димче Мирчев” од Велес го посетија објектот наменет за згрижување и воспитување на деца од предучилишна возраст во општината.

4.2.2014

Завршна конференција од проектот

“Образование, вработување и еднаквост за жените од етничките малцинства”

Државниот секретар на министерството за труд и социјална политика, Муедин Кахвеџи се обрати на завршната конференција од проектот: “Образование, вработување и еднаквост за жените од етничките малцинства” чиј имплементатор беше Економската комора на Северозападна Македонија во партнерство со Здружение за локален рурален развој и Регионална развојна агенција Сенек – Пезинок - Словачка.

3.2.2014

Транспарентност во рангирањето на апликациите од процесот на вработување на 300 лица со инвалидност 

Министерот за труд и социјална политика Диме Спасов и директорот на ЈП Македонски шуми Жарко Караџоски, го презентираа рангирањето на апликациите од процесот на вработување на 300 лица со инвалидност на неопределено време за 2014 година пред  националните инвалидски организации.

3.2.2014

Министерот Спасов во работна посета на Република Хрватска 

Министерот за труд и социјална политика Диме Спасов е во работна посета на Република Хрватска при што оствари средба со министерот за труд и пензиски системи, Мирандо Мрсиќ. Министрите Спасов и Мрсиќ разговараа за процесот на вработување на лица со инвалидност и новиот закон за професионална рехабилитација и вработување на лица со инвалидност во Република Хрватска.