20.07.2024

Лимани: Трубарево добива нова детска градинка за 60 деца 

Министерот за социјална политика, демографија и млади, Фатмир Лимани заедно со претседателот на Владата на РСМ, Христијан Мицковски, градоначалникот на Општина Гази Баба, Бобан Стефковски, министри, пратеници, советници го одбележаа започнувањето со градба на нова детска градинка во Трубарево, Општина Гази Баба. 

Министерот Лимани посочи дека новиот објект е мошне значаен и претставува инвестиција во иднината на нашите деца. 

Новата градинка ќе обезбеди подобри услови за воспитување и образование на 60 деца, обезбедувајќи безбедна и стимулативна средина за растење и учење. 

„Како министер надлежен за детската заштита, посветен сум на заштитата и образованието на децата. Вложувањето во нивната благосостојба е најдобрата инвестиција“, рече министерот Лимани.

Тој ја истакна и важноста на соработката со општините и притоа додаде:"Како Влада, остануваме отворени за сите предлози за подобрување на благосостојбата на граѓаните”.