19.07.2024
Средба на министерот Лимани со Сојузот на синдикати на Македонија
Министерот за социјална политика, демографија и млади, Фатмир Лимани, денеска се сретна со Претседателот на Сојузот на синдикатите на Македонија (ССМ), Слободан Трендафилов и други претставници на синдикати во земјава.
На средбата соговорниците разговараа за моменталната состојба на работниците на пазарот на труд во однос на платите и условите за работа, како и заложбите за унапредување на нивните права. Притоа, стана збор и за состојбата со сивата економија во земјава и нејзиното намалување.
Министерот Лимани изрази подготвеност за понатамошна соработка со синдикатите и нивно активно вклучување во изнаоѓањето на најдобрите решенија за работниците.