Повик за учество во анкета за искуствата, ставовите и очекувањата во однос на 

долгорочната нега и грижа       

Почитувани,

Министерството за труд и социјална политика ги поканува сите заинтересирани граѓани и засегнати страни да учествуваат во Анкетата за искуствата, ставовите и очекувањата во однос на долгорочната нега и грижа.

Целта е да се добијат сознанија за тоа како луѓето гледаат на негата и грижата за повозрасните лица кои имаат потреба од помош и како тие генерално ги оценуваат системите за долгорочна нега и грижа. Каков вид на нега тие би сакале за нивните блиски или пак за нив самите доколку имаат потреба од неа? Какви се нивните искуства со добивањето или обезбедувањето нега? И кои се нивните очекувања за во иднина?

Наодите од оваа студија ќе се искористат за подигање на свеста во однос на предизвиците со кои се соочуваат повозрасните лица кои имаат потреба од помош и нивните семејства, како и за предлагање на политики со кои тие лица би се поддржале.

Анкетата се спроведува во рамки на проектот ,,Поддршка на инклузивниот развој на услуги во заедницата за долготрајна нега преку вклученост на повеќе чинители (InCARE)“, поддржан од Европската Унија преку програмата „Вработување и социјални иновации – ЕаСИ“.