Ташевска-Ременски со претставници на ДИТ и Прекршочната комисија на МТСП оствари средба со синдикалните претставници на вработените во „МЗТ Леарница АД“

Министерката за труд и социјална политика д-р Фросина Ташевска-Ременски оствари средба со синдикалните претставници на вработените во „МЗТ Леарница АД“ на која беа изнесени проблемите со коишто подолго време се соочуваат работниците во однос на исполнување на нивните права од работен однос и безбедноста и здравјето при работа.

На состанокот присуствуваше претставник од Државниот инспекторат за труд и Прекршочната комисија при Министерството за труд и социјална политика. Беа донесени заклучоци кон кои ќе се пристапи во периодот што следи со цел на намалување на штетните последици од кршењето на обврските на работодавачот, согласно  со Законот за работните односи.