10.10.2024

Велковски по повод 59 години од основањето на ЈУ Детски Дом „11 Октомври“-Скопје: Деинституционализацијата е успешна доколку продолжи грижата за децата и понатаму со понуда на различни социјални услуги

Заменик министерот за социјална политика, демографија и млади, Ѓоко Велковски присуствуваше на одбележување на 59-годишнината од основањето на ЈУ Детски Дом „11 Октомври“- Скопје.

Честитајќи ја годишнината, Велковски потсети на мисијата на Детскиот дом низ годините.

Осврнувајќи се на процесот на деинституционализација, заменик министерот Велковски рече: „Треба да разбереме дека деинституционализацијата не значи само преселба на корисниците од едно на друго место, туку значи да им понудиме различни социјални услуги во средината во која живеат и растат. И на крај враќање на децата во биолошките семејства. Токму тогаш ќе речеме дека процесот на деинституционализација е успешен процес во суштинска смисла на зборот”.

Воедно, тој додаде: „Во овој момент сакам да истакнам дека за да им обезбедите на тие деца поддршка од семејно опкружување, освен мали групни домови, потребно ни е да градиме една голема мрежа на згрижувачки семејства. Сакам да апелирам до стручните работници секој момент да го користат и да мотивираат граѓани кои би влегле во системот на згрижувачи затоа што таа е најблагородната професија на целиот свет”.

На самиот крај од своето обраќање, заменик министерот Велковски упати апел сите заедно да работиме за најдобриот интерес на овие деца.