Вид на услуга/право

Посебен додаток

Законска основа за остварување на услугата/правото

Член 33 од Закон за заштита на децата (,,Службен весник на РМ“ бр. 23/13, 12/14, 44/14, 144/14, 10/15, 25/15, 150/15, 192/15, 27/16, 163/17, 21/18, 198/18 и „Службен весник на Република Северна Македонија“ бр. 104/19, 146/19, 275/19. 311/20, 294/21, 150/22 и 236/22) член 12 од Правилникот за поблиските услови и начинот на остварување на правата за заштита на децата, како и утврдување на  состојбата на приходите, имотот и имотните права на домаќинството  и семејството за правата детски додаток, родителски додаток  за  дете  и  додаток  за образование („Службен весник на Република Северна Македонија“ бр. 109/19,  116/19, 234/20, 222/21 и 24/22) 

Потребни документи за остварување на правото/услугата

1. Важечка лична карта на подносителот на барањето се доставува на увид за докажување на идентитетот и живеалиштето,

2. Наод и мислење за видот и степенот на попреченоста во интелектуалниот или телесниот развој и специфичните потреби на детето;

3. За самохран родител, доколку едниот родител е починат –извод од матична книга на умрените; за разведен брак –правосилна судска пресуда, доказ дека родителот не е во брачна заедница -препис на извод од матична книга на родени не постар од шест месеци, или дека родителот не е во вонбрачна заедница- изјава дека не е во вонбрачна заедница, доказ од надлежен суд дека едниот родител се води за исчезнат, а за родител кој се води за непознат препис на извод од матична книга на родените на детето; и

4. Копија од трансакциска сметка на лицето на кое се врши исплата, согласно Законот за заштита на децата.

Обрасци 

Барање за остварување на право на посебен додаток- Прилог бр.2, БПД/2- Прилог бр.3, БЕППН/2

Локација каде се остварува правото/услугата (физичка и/или електронска)

Центарот за социјална работа надлежен за подрачјето на кое подносителот на барањето има живеалиште или престојувалиште. Барањето се поднесува лично во ЦСР.

Законски рок за постапување

Центарот за социјална работа одлучува во рок од 30 дена од денот на поднесување на барањето

Право на правна заштита (институција до која се доставува жалбата/тужбата/приговорот, адреса на институцијата, износ на административна такса доколку се плаќа, жиро сметка на која се плаќа)

Жалбата се поднесува до Министерството за труд и социјална политика (ул. Даме Груев број 14, Скопје) непоредно или преку Центарот за социјална работа. Против решението на Министерството за труд и социјална политика може да се поднесе тужба пред Управен суд. Корисниците се ослободени од плаќање такси пред надлежните органи

Одговорен 

Првостепен орган-Центарот за социјална работа. Второстепен орган Министерството за труд и социјална политика.

Такса која се наплатува

/

Повеќе информации на следниот линк

https://mtsp.gov.mk/prava-od-detska-zashtita-ns_article-poseben-dodatok.nspx